Op de zitting van CV de Nachdravers höbbe Marjon en Guy Mostard es aaftredend prinsepaar ut volgende dankwoord veurgelaeze aan un aandachtig loesterend publiek in Oos Heim:

Leeve allemaol !

Gaere wille veer nog eine kieer mit uch truukkieke op ut aafgeloupe jaor. Ut woor onvergaetelik!

Gister op de truukwaeg van Oostenriek höbbe veer dit dankwoord gesjreve en dit brungk oos geliek op ein truukkerend woord: laat.

Veer sjreve oos proclamatie de aovend veur de oetroping (terwijl veer toch al een aantal jaor wiste det veer oet ginge komme), oos sjoen kleijer höbbe veer biej truukkoms van de veurige wintersjport veur ut ieërs gepas en de foto die hiej hunk is pas 3 daag veur oos oetkomme gemaak.

De nachdravers die oos kome ophaole höbbe det auch gemerk: de prins sjting nog onger de douche of de prinses leep nog in de ongerbrook….Veer hauwe den auch gemeind get later te moge aaftreeje mer aan alle sjoens mot toch unne kieer ein eind komme……

Veer höbbe gemerk det hieël väöl luuj mit oos mit genoote höbbe en mit oos mit höbbe gelache, gedans en gesjpronge. Leef luuj van Termaar, Mergraote en omsjtreke: geer höb werkelik ut hart op de gooje plek!

Gaere wille veer oos Nachdravers -familie (jao zoo veult dat inmiddels) bedanke: allerieësj Erik en Sjef. Geer höb oos gevraog en gezörg veur ein feine en soepele veurbereiding, de aovende biej oos toes woore ummer erg gezellig!

Manne en vrouwluuj van de Nachdravers: dank veur al uch enthousiasme en gezelligheid en t ummer d’r bie zeen es veer op sjtap ginge. Veural höbbe veer auch genote van alle kwatsj en sjaele zeiver ongerling en auch op de app .  Al die ontelbare kleine momentjes van lol en plezeer opgetild höbbe oos lachsjpiere good getraind!

Ingrid en Peter, es oos veurgangers woort geer ein prachtig veurbeeld veur oos en veer haupe op dezelfde wieze de scepter aan oos opvolgers euver te drage.

Wat oos prinsejaor extra biezunjer  haet gemak zeen de perseunlikke bezeuke aan de auwer luuj in het dorp en in oos ziekenhoes, dao beware veer werme herinneringe en sjoene verhaole van!

Auch de jeug Nachdraverkes en natuurlik in het biezunjer prins Keano en minister Matthijs: veer kinne de kilomaeters polonaise die veer same gerend höbbe neet mieë tille mer es geer der woort brach geer ummer weer ein extra portie energie mit uch mit, dank daoveur!

Al oos Rieste-vrunj, Fred en Marjo en prins Bas: carnaval in Mergraote doon veer ech same mit uch en det veult hieël good. Ut is den auch sjoen tot geer dit jaor eine jong oet Termaar höb oetgerope tot prins van de Rieste!

Gelökkig höbbe veer fantastiese luuj om oos heen die d’r ummer veur zurgde det veer d’r last-minute weer sjoen opsjtinge:

de fotografe Roel en Jacques, de kapsters: Vera, Claudia, Tamara, Kitty en oos eige dochters, dank je wel! In dit rieke kinne veer Petra absoluut neet vergaete: de energie en de ideeje um oos kleijer zo sjoen te make en te ongerhawte, en t extra werk det se haws es d’r Prins weer ens oet zien brook woor gesjeurd, zeen onbetaalbaar.

Es d’r get is wat haet gezörg veur verbinding en verbroedering, get wo veer in oos proclamatie al op haopde, den is det ut sjpontane ontstjtaon van ozze vrunj-en femiliegroep Sjpuit 11!

Det geer in het geheim zoane groate en sjoene groep höb gevormd en oos toes zeet komme ophaole veur de optoch woor veur oos de grootste verrassing van dit jaor! Mit vlag en wimpel vloge veer mit uch door de boch. Veer vinje ut sjiek det veer auch dit jaor weer same sjoan herinneringe gaon make en d’n optoch mit uch same gaon loupe!

Nachrieste, leeve Janneke en Serge, veer veere veule en vulle mekaar good aan: wo veer ummer te laat zeen haw Serge t ontwerp van oos medaille al ruum op tied vaerdig. Auch bedank veur de sjieke foto’s die veer net op t litste moment nog effe höbbe gemaak. Janneke bedank veur ut prachtige kroontje, zo woor se ummer hieël kort bie mich. Geer zeet ummer veur oos dao, veer koestere oos vrundsjap van Termaar tot in Berlien en van Mergraote tot in Paries.

Leef femilie, pap en mam, oos breurs en sjoanzusse, naeve en nichte: uch wille veer bedanke veur ut mit-belaeve dit ganse jaor en veur de special-act op oos drök bezochte reseptie en veur de twiede kieër sjus hiej op de bühne bie oos aafsjeid.

Leef kinder: Geer sjtaot in het klein es klaverke veer op oos medaille mer geet zeet oos allergrootste gelök: Julie, Sterre, Joep en Guus, Joep en Jay en alle vrunj en vriendinne die geer leefhöb: veer zeen trots op uch en hawte van uch. Love you!

En Guy sjluut aaf mit ein perseunlik weurdje veur zien prinses:

Leeve sjat! Elke daag veuls dich pien en toch zeen veer same dit avontuur aangegange. En es se den zuus wie veer dit jaor zeen veurgegange en wie veer dit same höbbe gedaon: dao zeen veer es kinder en echtgenoot enorm trots op! Sjat, dit jaor haet oos leefde veur elkaar allein mer groter en sjterker gemaak. Ich hawt ech van dich en ich haop det veer nog hieël väöl sjoen momente same gaon belaeve! Love you!

Luuj, veer sjloete noe ech aaf:

Carnaval in Mergraote, Alaaf

t Hart op de gooje plek, Alaaf

BEDANK!, Alaaf

Marjon en Guy Mostard, awt-prinsepaar van CV de Nachdravers

Hoi allemaol,

Hie sjtaon veer dan eindelik, de hougste tied um de scepter door te geve. Klaor um aafsjied te numme van os besjtaon es Preensepaar. Drie jaor geleeje sjtarte veur os ut carnavalsseizoen mèt de toezeggink aan os vrung Gaston en Manon (ut oud Preensepaar van de Rieste), um hun te ondersjteune en te hellepe en deil oet te make van hun geheim. Veer zaote dus bie hun in het complot. Wiste veer toen veul tot veer op 18 januari 2020 zelluf bie de Nachdraversj zouwe oetkomme es nuuij Preensepaar. Umtot veer neemes get vertèlt houwe waor ut ein groete verrassing (of sjock). Neet allein veur os ouwersj, Eline en Myrthe, os familie en vrung, mèh veural veur Gaston en Manon. Neemes hou gedach tot veer zoe get zouwe doon en ut geheim koste houwe, veer zelluf eigelik aoch neet. Missie gesjlaag zègke ze dan.

En zoe sjtarte veur os, mèt mer un hiel korte veurbereiding, ut avontuur es Preensepaar. Wat höbbe veer ut sjiek gehad! Vanaaf ut moment tot veer jao zeije, de veurbereding mèt Sjef en Erik, os oetrope, de drukbezochte receptie, alle carnavalsactiviteite en natuurlijk dur groete optocht, fantastisch! En dat same mèt os jeugpreensepaar, Preens Rick en Preenses Lotte, die os polonaise in en oet höbbe getrokke. Wat höbbe veer same gerend en veul sjpas gehad mèt die twie. Daoveur wille veer hun bedaanke.

Tot os Preenseparesjap drie jaor zou doere, houwe veer neet veurzeen. In 2021 kos of moeg bienao nieks en höbbe veer os bès gedaon om dur on-line gèt van te make. In 2022 moeg un week veur Carnaval opins weer alles esof het virus neet mie besjtong. Veer zunt dur trots op tot de Nachdraversj en Rieste zoe kort van te veure toch nog unne optoch en un carnavaslfeeske höbbe kinne organisere. Mèh oeteindelik waor 2020 toch eigelik os jaor! Alle oetwisselinge, recepties, dames en hierezitting, sjleuteleuverdrach, bejaarde en ziekebezeukskes, veer zunt dur vol veur gegange. Zoe veul mèt gemaak, tot en met de carnaval waor 2020 ech geweldig!

Es bonus mochte veer dit alles same belèève mèt us vrung, Gaston en Manon. En neet te vergèète Levi en Lynn, het oud jeugdpreensepaar van de Rieste. Iech zeen os nog sjpringe mèt os achte op dur wagen in de lempkesoptocht. Wat waor dat sjiek!

Bèste familie en vrung, leef luuij van Termaar en Mergraote, collega’s van de Rieste en os eige Nachdraversj en Nachdraverkes en ederein dèh veer noe natuurlijk vergete te numme, hartsjtikke bedaank veur al euch hulp, sjpas en plezeer. Mèh veural veur unne super, fantastische Carnaval! Carnaval is ut fees van verbinding, veer höbbe in eeder geval unne haup vrung en familie durbie gekrege! Veer wunsje der nuuje Preens, Preenses of Preensenpaar net zoe un geweldig Carnavalseizoen es veer gehad höbbe. Blief dao bie veural euch zelluf, dan kump alles good! Nogmaals, ut waor geweldig! Dit gunt veer noets mie vergète!

Termaar en Mergraote, Alaaf, Nachdraversj en Nachdraverkes, Alaaf, Carnaval, Alaaf

Preens Peter en Preenses Ingrid

Beste mensen van Termaar en Margraten,

Het was januari 2017, toen viel de beslissing, wij worden jubileumprinsenpaar 2018! Wat was 2017 een gekke carnaval, wetende dat je het jaar erna zelf in het middelpunt staat.

We willen beginnen met Petra Faarts, dankjewel voor onze mooie kleding! Het waren spannende en gezellige avonden, in het geheim door de poort bij jou lopen. Zonder dat iemand ons mocht zien! Lang leve whatsapp. Daar konden we veel bespreken.

Het moment van foto’s maken kwam steeds korterbij, Roel mocht dat gaan doen. Hij weet niet vantevoren wie er voor hem komt te staan. Wat was dat sjiek om hem al te verrassen. Ook jij bedankt Roel voor de prachtige foto’s!

6 januari 2018 was aangebroken… Het was een avond om nooit meer te vergeten, daar stonden we opeens in de spotlight! Prins Roy en Prinses Jolanda, wat was dat een gaaf moment! Toen ook zondag het jubileum-jeugd-prinsenpaar, Prins Joep en Prinses Chiara, bekend was konden we echt starten met ONS jubilieumseizoen. We hebben genoten van begin tot eind.

Het was gelijk feest ook met onze collega’s van de Rieste, Prins Rob en Prinses Maaike & Prins Loek en Prinses Sanne. We willen jullie bedanken voor de vele leuke, gezellige, gekke avonden. “Tranen gelachen onnozel gedaan” was wel onze zin! HoeoeoeoeoeHoe!

Het feit dat ons neefje Levy ook prins werd in Susteren maakte alles compleet. Met de ongeveer 30 man sterk van de nachdravers zijn we naar Susteren geweest voor het uitroepen van Prins Levy bij te wonen, heel lief dat jullie zo betrokken waren!

Dan nog onze jubileum-receptie, wow…. We zijn er nog stil van zo ontzettend druk. Wat was dat overweldigend. Iemand vertelde me later dat ze in Disneyland even lang in de rij heeft gestaan voor met mini-mouse op de foto te mogen! Maar nu kreeg ze er ook nog een medaille bij.

De carnaval zelf was een groot feest, we denken dat iedereen die met ons mee gefeest gezien heeft hoe wij ons geamuseerd hebben. Van de eerste tot de laatste minuut.

Zaterdag 19 januari was het moment daar om afscheid te nemen. Gezamenlijk met onze raad van 11 hebben we thuis nog een schrobbeler gedronken. waarna we samen naar Oos Heim gelopen zijn. Daar hebben we nog een ontzettend leuke verrassing gekregen. Samen met Rob, Maaike, Loek, Sanne, Joep en Chiara en de rest van Oos Heim voor de laatste keer de nuuje rijaloet gelopen.

Iedereen ontzettend bedankt voor het mega geweldige jubileumjaar.

“En tenslotte tevreden, het licht uitgedaan”

Nachdravers Alaaf, Rieste Alaaf, Mergraote Alaaf!